نحب نهني قبل كل شي اختنا فاطمه بمناسبة خروجها و كيف ما سمعنا و انو معنوياتها مرتفعه وهاذا في حد ذاتو شي يفرّح اما نتصور و انو عملية اعتقالها في الجمعه لخرانيه تمثل في حد ذاتها مسؤوليه لمجتمع التدوين و المدونين إلي كيف ما اشرت في تدوينات سابقه و انو ها الشريحه مؤثره ياسر ف تونس و في العالم ككل...
عاد شخصيا حبيت نطلب من فاطمه(ان شاء الله تقرى ها الكلام او ع الاقل يوصللها) باش ها الحادثه إلي صارتلها تكونلها حافز باش تكمل على قدام مش باش ترجعها لتالي...
من جهه اخرى نتمنى لو كان واحد م الزملاء(سفيان شورابي مثلا) يقوم بانترڢيو مع فاطمه كيف ما عمل مع عدنان الحاجي ع الاقل باش نفهمو بعض الحيثيات الدقيقه منها مباشرة وباش نفهمو زاده شنيه وضعيتها بالظبط في الوقت الحالي(معناها سيبوها و فما قضيه في الثنيه و إلا ما فما شي و ما لقاو عليها حتى تهمه)
اسئله لحقيقه خامرتني م البارح م إلي سمعت الخبر المفرح...
في انتظار تفاعل بقية الزملاء و فطومه زاده ان شاء الله نهاركم زين
هناك 3 تعليقات:
فكرة ممتازة صديقي. اتو نحاول نعمل معاها لقاء كان حبيت هية
الله يخليك سفيان
شكرا على التفاعل
saybou ettofla raydha! même "libérée", on va pas la lâcher, ça tt le monde le sait! ech reb7et minkom? tawa wallitou abtal wet7ebbouha etwassel? za3ma ken jitou fi blasset'ha wetmizertou kif'ha, etwasslou intouma zeda ?
إرسال تعليق