توّه مديده قرابة الثلاثه جمعات م الي هبط الفيلم الجديد متاع جاد المالح بعنوان "كوكو" عاد هاوينو انا عندي مدّه نستنّى في بعض الزملاء المدونين باش يكتبو و يفطقو مواهبهم و يدافعو بالحجج متاعهم على ما اصطلح تسميتو باللائكيّه في كافّة المجالات (و هاذا سواء في تونس او غير تونس) ...
و الملاحظ في الفيلم و انّو القصّه و السيناريو جات تافهه إلى اقصى الحدود إلى حد و انّو بقيت نلوّج فاش يحب يحكي بخلاف موضوع البار متسفا اي بمعنى و انّو جا باش يحكي و يعمل دعايه لطقوس يهوديّه بحته الشي إلي ما يحبذوهش (على ما قاعد نقرالهم) الزملاء معتنقي اللائكيّه ...
عاد حبّيت نسأل بعض الاسئله الغير بريئه و منها:
زعمه بالحق هوما يدافعو ع اللائكيّه و ينبذو التخونيج مهما كانت الديانه ؟؟؟
زعمه كان جا الفيلم يتناول موضوع العيد الكبير عند المسلمين باش يقعدو ساكتين ؟؟؟(الإجابه هاذي موجوده و شفنا برشا ردود فعل في هاذا الصدد...)
زعمه هوما ينبذو في التخونيج بانواعو و إلاّ ينبذو في الإسلام ؟؟؟
زعمه علاش ها الصمت في ها الموضوع ؟؟؟
تي اتكلّمو عاد اشبيكم ساكتين
و الملاحظ في الفيلم و انّو القصّه و السيناريو جات تافهه إلى اقصى الحدود إلى حد و انّو بقيت نلوّج فاش يحب يحكي بخلاف موضوع البار متسفا اي بمعنى و انّو جا باش يحكي و يعمل دعايه لطقوس يهوديّه بحته الشي إلي ما يحبذوهش (على ما قاعد نقرالهم) الزملاء معتنقي اللائكيّه ...
عاد حبّيت نسأل بعض الاسئله الغير بريئه و منها:
زعمه بالحق هوما يدافعو ع اللائكيّه و ينبذو التخونيج مهما كانت الديانه ؟؟؟
زعمه كان جا الفيلم يتناول موضوع العيد الكبير عند المسلمين باش يقعدو ساكتين ؟؟؟(الإجابه هاذي موجوده و شفنا برشا ردود فعل في هاذا الصدد...)
زعمه هوما ينبذو في التخونيج بانواعو و إلاّ ينبذو في الإسلام ؟؟؟
زعمه علاش ها الصمت في ها الموضوع ؟؟؟
تي اتكلّمو عاد اشبيكم ساكتين
!!!
هناك 19 تعليقًا:
oooh il faut arrêter avec cette ségrégation incessante. . .
trop c'est trop
que ce soit un film qui parle de ça ou de ça le contenu en fin de compte n'est pas si important c'est juste la manière de voir les choses..
et puis qui a sorti un film qui parle des 'rituels' musulmans ou tunisiens dans une autre parure que celle de l'événement saint et sacré et magique bla bla bla . . .
moi je n'ai vu que des documentaires de 3eme classe qui ne trace rien de nouveau de créatif . . .
paix:
صديقي ققلت انتي ما عاد تشوف كان في تعاليق م الطبقه الثالثه و هاذي وجهة نظر متاعك و لازمني نحترمها في المقابل ما لقيتش وين باش نصنّف تعليقك انتي !!! بمعنى انتي كتبت تعليق و ما حكيت فيه على حتى شي !!! ماذابيا لو كان تزيد توضّح اش تحب تقول ...
مرحبا بيك
Non je ne critique pas ton post au contraire.. je critique le manque de fertilité des cinéastes qui s'intéressent aux causes religieuses surtout musulmanes..
Leurs films n'ont jamais eu de succès et pourtant il s'obstinent à ne rien changer dans leur façon de faire . . .
c'est une longue histoire . .
paix: :))
aaah j'ai oublié ...
j'ai dit ' documentaires ' et non pas ' commentaire '
donc ne te sens pas visé cher ami :))
paix:
يا صديقي راك كتبت التعليق لولاني متاعك قعدت نقلب و نشقلب فيه ما فهمت منو شي يا مدير !!!و سامحني انا ما ثبّتش مليح منين انتي قلت دوكيمونتار اه لهنا عندك الحق خويا و ان شاء الله تسامحنا برك
و برّا كريتيكيت الپست متاعي لواه انا منزّل ؟؟؟ خوذ راحتك يا عشيري و انا كيف كتبت خاطر برشا مدونين تشوف فيهم نهار كامل لا للتخونيج لا للاسلاموفوبيا لا لشيوخ النيل سات وهات من كلمة لا و زيد على هاذاكا يبداو يتجلطمو ع المسلمين و قيّد ع اللائكيّه ...
ايه عاد كيف نشوف تعاسه كيف متاع جاد المالح ما عادش لائكيه و ماعادش تخونيج !!!
إلي حبيت نوصلو و انو يا نكونو لاييك فرد المره و مرحبا(في إطار معيّن زاده) يا كل واحد يستكفى بروحو و يسكّر فمّو اما هاذي انتي عندك حاجه مع الإسلام و تقيّدهالي لاييك سامحني لبلاد فيها رجال ..
و كيف ما قلت مادامني حي مانيش باش نخلي شويّه عفّاطه يدّغمجو على خلق ربّي و هاوينو فمّه منهم برشا ع البلوڨسفير و لا محاله نهار كامل و هوما ماكلين العصا من عند الجماعه المربطه
سلام خويا (سامحني اما اسمك صعيب عليا شويه ههه) و مرحبا بيك مره اخرى و راك نوّرتنا
التدوينة هاذه مادل كان على حاجة وحدة : ماكش فاهم شنية اللايكية
ولا شنوا دخل اللايكية في فيلم كوميدي يحكي عاليهود؟؟؟
اللايكية خويا العزيز ماهيش معاداة الديان ومنع حرية ممارستهم
اللايكية هي ببساطة القول بأن القوانين يلزم تكون هي نفسها للجميع باختلاف أديانهم أومعتقداتهم... يعني ماتنجم تكون كان قوانين وضعية غير دينية
بعد هذا كل واحد حر يعبد الي يحب مادام ما يفرضش معتقداته على غيرو بأي طريقة كانت
واذا يحب يعمل فيلم على طقوسه الدينيه... أمورو، حر في فلوسو وفي ذوقو السنيمائي
اهلا بالغول
يضهرلي انتي ما فهمتش موضوع التدوينه هاذي بالڨدا
اول حاجه مانيش نحكي على مفهوم اللايكيه في المطلق نحكي على سلوك بعض المدونين في نقدهم لمعتقدات اوّلا ما يامنوش بيها و ثانيا ما يعرفوهاش تجي تحكي معاه تقلّو راهو ما يجيش هكّه يولّي يحكي معاك بلوغة انتي خوانجي و انتي ما تستعرفش بحريّة التعبير و هات من هاك اللاّوي ...
الغريبه و انّو ها "التخلّف" إلّي يرميو بيه ها المعتقدات ما يمسّ كان ما تعلّق بالاسلام (كان جاو ينقدو في الاديان الكل اهون ع الاقل رغم انّو ما يجيش و نزيد نقولها مرّه اخرى) و هاك تشوف كيف حاجه تبدى في غير الاسلام الناس الكل تبدى مسكره افّامها و انتي كبير و ما تخفاش عليك الامثله الكثيره ...
بالنسبه لللايكيّه كمفهوم انتي ذكرتو في مجال التشريعات و القوانين لكن المعروف انّها تشمل حتّى طرق التعامل مع النّاس و نوافقك زاده كيف تقول و انّي ماهياش معاداة للاديان اما هاك تشوف ها إلي مسمّين رواحهم علمانيين عملو العار بالتجلطيم و التعامل مع مسائل الدين بمكيالين
على فكره البارح نعمل طلّه في التي ان بلوڨ نلقى زميل بدى يتجلطم ياخي طاحو بيه حبيّبات نحّاولو الجديْده متاعو ...
كليمه ع الفيلم (و لو انّو الموضوع توسّعنا فيه شويّه) هو ابعد ما يكون على انّو فيلم كوميدي و تنجّم تتفرّج فيه ما يضحّكش جمله !!!
نهارك طيّب صديقي
أهلا بالنبار :)
الناس إلي تحكي عليهم يا هشوش يعتنقو في حاجة هوما ما همش مستوعبينها أصلا: لا هدفها لا أسبابها. يعني أعطيهم برك يستوردو شوية "أفكار" غربية بش يضهرو متثقفين و مواكبين عصرهم. أما كيف تجي تسئلهم شنية اللائكية، يقلك هو منع لبس الحجاب حتى في المكان العام! كيف تقلو علاش يقلك على خاطر الحجاب تستعملو المرأة بش تدل على أنها مسلمة! و يحكي فيها نورمال! موش فاهم إلو هو في بلاد مسلمة و مشاكلهم غير مشاكلنا، يعني المرا في بلادنا راهي 80% مسلمة، إذا الحجاب إلي تلبس فيه موش بش تدل بيه أنها مسلمة!.
و الناس هذم ما تقولش إلي هوما مجرد ناس عاديين ما همش متثقفين! لا متثقفين و قارين لكن متأثرين ياسر بحضارة الغرب إلى درجة أنهم يرفضو أي نقد تجاههم!
ما همش واعين إلي الائيكيين بيدهم ما همش متفاهمين على طريقة تطبيق اللائكية، و الي في تونس استوردنا كان الأفكار متع المتطرفين العنصريين إلي يستعملو في اللائكية كطريقة لمضايقة المسلمين.
هو أول من تحدث على اللائكية في بلادنا هوما الملحدين، مشكلة الملحدين متاعنا هو أنو إلحادهم ناقص قاعدة فلسفية، و زيد إلحادهم خاضع إلى البيئة الإسلامية إلّي هوما عايشين فيها، لذلك تحول إلى معادات للإسلام، البعض يحاول أنو يغطي العداء هذا بكلمة لائكية، إلّي هي تعبر على منضومة فرنسية ليست لها معنى خارج فرنسا
يعني لا نستطيع القول إن تونس لائكية أو غير لائكية، لأن تونس ليست فرنسا
@Amel
اهلا بعشيرتي !!
كنت نستنّى في تعليقك انتي بالذات على التدوينه هاذي خاطر نعرف و أنّو افكارنا انا و انتي تتقارب برشا في مثل ها المواضيع ...
كلامك صحيح اختي هو و كيف ما قلت انا قبل مثل ها "الزنوس" يمشيو بمنطلق خالف تعرف هاوينو سوا ديزون اغزرولي راني متلنصي و قافز عليكم و عندي حاجه انتوما ما تعرفوهاش و هو حل الصرّه و انتي و زهرك إلي غالبا يكون لا علاقه(كيف ما يقول خونا الطمبرو هههه)
مختصر لحديث ها الجميعه عندهم مشكل م الواقع إلي عاشو فيه هاذاكا علاش كل يوم طالعينيلنا بفانطازيا جديده نابته من عقد و كبت
@Soufiene
مرحبا بيك سي سفيان
على ذكر ها إلي حاسبين رواحهم ملحدين واحد م الناس عامللهم پروفيل سپيسيال و لاممهم فيه ف الفايسبوك عاد هاوينو كل يوم نعمل ضحكه مزيانه على غرار برشا منهم و نخصّو بالذكر زميمهم زياد بن يوسف و إلي على فكره في مرّه م المرّات قلت خليني نشد معاه صحيح مادامني ما عندي ما نعمل عاد هاوينو السيد ما نجّمش روحو لين قال ماينه سيّبني اعتقني يا خويا ...
و اكتشفت و انّو السيستام متاعو هو اثارة مقدّسات الناس اثناء الحوار معاهم باش يولّيو يحكيو معاه لوغات حيّه وقتها يقول هو شوف ملاّ مستوى اما هو مستواه لحقيقه راقي ياسر و هاو لهنا تنجم تعمل طلّه ع التعاليق الفاوحه متاعو
http://www.facebook.com/home.php?ref=home&__a=1#/note.php?note_id=118795869432
نحب نرجع عاد شويه لللائكيّه في تونس إلي ما تنجّمش تكون لايكيه كيف ما يحبّو ها الرهوط لزوز اسباب بساط و واضحين بالڨدا و هوما:
اوّلا تونس ما خضعتش لحكم مؤسّسة الدين الشي إلي صار في فرانسا دونك ما فمّاش موجب لللايكيه
السبب الثاني هو انو تونس دوله مسلمه غصبا عن كل من لم يرق له ذلك و المعروف انّو الاسلام كان رساله سماويّه متكامله اي بمعنى مسّت الحياة السياسيه العايليه الاقتصاديه على عكس الديانات لخرى إلي ما اهتمت كان بالجانب الروحاني بين العبد و ربّو دونك لزاما باش تكون جلّ التشريعات في بلادنا(نأكّد على كلمة جلّ خاطر فماّ تشريعات ما تتناسبشي مع مجتمعنا التونسي) قلت لزاما باش تكون مستوحاة من النصوص القرآنيّه
مشكور ع المرور خويا سفيان و شكرا للجميع ع التفاعل و مرحبا بيكم ،بتعاليقكم و اقتراحاتكم و المدونه محلوله للناس الكل بقدرة الخالق
يا هشهوش
أنا كيف حكيت على الملحدين لم أكن أقصد الفروخ و الركّايات إلّي قاعدين يحوسو على فايس بوك كيف زياد بن يوسف
أنا أقصد ملحدين ينتميو إلى تيارات سياسية و ثقافية و إيديولجية معروفة، و إلّي يحبّو يستوردو بعض المنضومات التي ليست مطابقة للواقع التونسي حسب رأيي، كيف اللائكية مثلا، و إلّي العديد منهم، اللائكية متاعو هي مجرد عداء للدين الإسلامي، حتّى و لو أنكر ذلك
يعني أنا نحكي على عباد فيهم أساتذة و جامعيين و متثقفين و سياسيين و سنيمائين، لكن لا أوافقهم على جميع أفكارهم،
الفايس بوك بكلّو زوفريّة و ركّايات، فك عليك منّو
تحياتي
صحيح حتى هاك الجميّعه إلي تقصدهم انتي اش من تساكر !! كيف الخيّاطي مثلا سكت سكت مرّه و جا يحكي منين جات ها الرحمه ف الإسلام و هوما كل عام يقتلو ما يقتلو م العلالش و الغنم !!!
بالله واحد يحكي معاك هكّا اش تحب تجاوبو براس والديك ؟؟؟
الفايسبوك عاملو انا تعديه متاع وقت و هاوينو ضحكه ع المفرخه و إلي جايبينها زعمه زعمه عباد قويّه اما كيف ما قالو ناس بكري إلّي في الڨلب في الڨلب
هاذوكم ما يحبّوش ذبحان العلالش، خاطر التضحية هي ضد ثقافة الحياة، هذا حسب فلسفة بودورو متاعهم،
لكن في نفس الوقت العباد هاذوكم يموتو على البارباكيو و المشوي متاع العلّوش و البقري زادة، و حتّى الحلوف ما يفلتوهش حاشاك، مع كعبات بالطبيعة
يعني مواقفهم بكلّها تضارب و نفاق في نفاق، و مجرد كره للدين الإسلامي، و هذا لا يستطعون إنكاره، و مش لازم تجاوبهم
يا هشوش يا خويا، ياخي لتوّة لا فهمت الحكاية؟
الناس هاذم ماهمش ملحدين، وما لازمهاش برشة ذكاء هاذي، خاطر الملحد ينقد والاّ ينتقد جميع الأديان دون استثناء...في حين أنّهم مكبّشين في دين الاسلام دون غيره والسبب معروف: تنامي الاسلاموفوبيا في الغرب وحتّى في بعض الدّول العربيّة اللّي يتعايشو فيها المسلمين مع ديانات أخرى...التنامي هذا خلّى البعض يظنّو أنو بمقدورهم استضعاف المسلمين وأنّ المرحلة الرّاهنة هي انسب فترة للـ"قضاء" على الاسلام أو حتّى اضعاف عقيدة متتبعيه بزرع الشك في قلوبهم.
من غير ما نحكيو عاد على الكيل بمكيالين و الكذب المفضوح حول ايمانهم بحرّية المعتقد واللباس... معناها يجيك يقولك عندك الحق تلبس اللّي تحب أمّا الحجاب لا، وآمن باللّي تحب الاّ دين الاسلام! غريبة
ويجي يعبر على امتعاضو من زيارة القرضاوي لتونس ومن شيوخ النايلسات وفي نفس الوقت تلقى جلغتو مسكّرة على زيارة اليهود للغريبة كلّ عام وعلى قنوات التبشير متع المسيحيين واللي بعضهم مدمن عليها وفي نفس الوقت يروّج للالحــاد
زياد شلاكة بن يوسف هذاكة مرّة دخلت للمدوّنة متاعو عن طريق تويتر خرجت نجري ولتوّة كلّ ما نتفكّرو نحس بالغثيان! آش لزك يا هشوش تقرالو؟ السيد من النوع اللي يعيش في فايسبوك و اهوكة ساعة ساعة يكونكتي على الدنيا... معناها لازمو يدخل لمصحّة و شوف و شوف...
خلاصة الحديث يا هشوش هاذي ناس ماهيش فاهمة رواحها آش تحبّ، باش تجي انتي تفهمهم زعمة؟ هههه
كل الاخوة ومنهم هنا هاشوش، السلام عليكم
اشد على ايايدكم في تصديكم لظاهرة الطفيليات التي ماانفكت تتمدد في واقعنا بتونس وتأتي على الأخضر واليابس، ، بحيث لم يكفها ماجنته على البلاد والعباد طيلة عشريتي القحط العقدي الفائتين حينما تحكمت في مجمل ادوات التعليم والتثقيف فانتجت اجيالا منبتة ومقتلعة من جذورها لاتكاد تعرف من أمرها شيئا، تكره ذاتها وجذورها وقيمها، تتعلق بقيم الاخر وتتمنى الذوبان فيه، وأقصى امانيها أن يقع قبولها خادما لهذا الآخر.
لم يكف هؤلاء الطفيليات أفاعيلهم تلك، وماجنوه على بلادنا واجيالها من ضياع وتفكك، وهاانها تمددت نحو الميادين الجديدة مجسمة بخدمات الانترنت
انا معكم وان كنت لا اسهام بالتدوين، ولكن تاكدوا اني اسندكم بطرق اخرى عديدة واوفر لكم العمق الفكري لمواجهتكم لهؤلاء، لان هذه الطفيليات التي هي الوجه الأخر لظاهرة الزندقة، هم نتاج تيارات فكرية منحرفة وجب فضحها ومعرفة دواعي تواجدها وعوامل بقائها
السلام عليكم وبارك الله فيكم وفي مجهوداتكم
فوزي مسعود
صاحب ومطور موقع بوابتي
www.MyPortail.com
شعارهم..اذا سألتم الله فاسألوه اليورو
Je ne suis pas athée ni laïque mais pour être honnête il faut expliquer une petite chose: Pour trouver et comprendre les origines du film COCO de GAD il faut tout d'abord regarder son spectacle "La vie normale". Au fait, comme pour son ancien film "Chouchou", "Coco" est une mise en scène d'une vanne du dit spectacle "La vie normale" dont la personnage "Coco" parle (tout en se moquant de la classe riche et de leurs comportement) de la barmitsva de son fils tout en insistant sur la somme qu'il a dépensé, la fête qu'il a fait... Donc pour quelqu'un qui a vu le spectacle, la vanna de Coco était vraiment géniale et je crois que c'est la raison pour laquelle on l'a filmé. Voilà. :-)
Edit: ni juif aussi (pour ne pal malinterpreter mon commentaire :-)
Je suis musulman :-)
إرسال تعليق