طلعت في الكار كي العبد المليح و خذيت بلاصتي في مجموعة الخمسه كراسي إلي في اخر الكار (ما نعرفش علاش هاك البلاصه عندها سحر خاص بالنسبه لشخصي كيف ما عندها سحر خاص عند برشا ناس) و من عادتي ديما كيف نطلع في الكار اني نقعد بجنب الشباك باش نسلي روحي شويه بالاشياء إلي تنجم تصير البره من ها الحصن المواصلاتي الجليل...
عاد انا هكاك و حسيت بشكون جا و قعد بجنبي... شدني الفضول باش نكتشف شكونو الشخص إلي نالني الشرف و قعدت بحذاه تلفت بطريقه روتينيه بطيئه نلقاها طفله متحجبه ف ال25 إلى 28 من عمرها....
في الحقيقه الشي إلي صار من بعد كنت متوقعو لسببين و هوما انو اولا مش اول مره يصيرلي ها الموقف و ثانيا لاني نعرف مثل ها الايديولوجيات...
هاوينو الكار تمشي و ناس تركب و ناس تهبط عاد فرغت بلاصه بجنب الانسه إلي مجاورتني تعمل هكا و تزحف للبلاصه إلي فرغت باش تخلي بلاصه بيني انا و هي ... الحكايه مازالت ما وفاتش حد لهنا
طلع راجل كبير تقول انتي في اواسط الستينات من عمرو يعني شاف م الدنيا الوان و اشكال مش كي حالاتي مازلت نتفرج!!
عاد الراجل او الحاج ان صح التعبير اقرب بلاصه لقاها فارغه قعد فيها باش يرتح بدنو إلي تعبتو السنين في البلاصه إلي خلاتها الانسه متاع بكري...
اقل من عشره ثواني تعدات و الانسه هزت روحها و قامت حولت لبلاصه اخرى باش تقعد وحدها حفاظا منها "على شرفها" !!! رجعت تلفت للشباك و انا نتبسم تالمون حفضت مثل ها السلوكات!!!
عاد إلي حبيت نقولو و انو و ان كنت انا في قرارة نفسي نرفض الحجاب كفكره إلا اني ما نجيش و نقول هاو نينجا هاو ما نعرفش شنوه اي بمعنى كل حد حر في روحو شنوه يلبس اما نبقى انا عند وجهة النظر متاعي...
اما ما يزيد احتقاري لاغلبية البنات إلي عملو ها الاختيار هاذا هو الايديولوجيه و طريقة التفكير إلي يتبناوها انو الذكر كان يلقى راهو حزامو يخدم على طول و انو ما يغزر للانثى إلا على اساس انهي ماكينه متاع جنس يجب استغلالها بالطبيعه الكلام هاذا نقولو و انو في اغلب الاوقات لانو تجربتي البسيطه ضهرتلي برشا ها الانموذج متاع المتحجبات إلي كيف تغزرلها تبدى تسب فيك و تقول هاذاكا راهو يتشهى فيا (رغم انهي تبدى في وجهها و العياذ بالله) اما اش تحب تعمل !!! ديما النيه الباهيه هي إلي تمشي في تونس...
حادثه من الاف الحوادث إلي قد تصير قدام بعض الشباب إلي مخو محلول شويه و يحب يفسر شنوه قاعد يصير وراه...
عاد السنا و احنا مازلنا كي رجعنا للجامعه شاءت الصدف باش 80% م البنات إلي يقراو معايا "مڨربطين" كيف ما نسميهم انا الحقيقه حاولت اني نبدل الڨروپ اما الله غالب ما سهلش ربي مش على حاجه جوست باش نتجنب بعض الحوادث كيف ما إلي صارت و كتبتها الفوق و زاده باش نتجنب المنطق العادم متاعهم و ما نعرفش زعمه هاذي خاصيه من خاصياتهم و إلا الصدف تلعب دورها مره اخرى و ما تجمعني كان بمودال واحد (تقريبا) متاع بنات "مڨربطه" الله اعلم !!
على كل الواحد لازم يتاقلم مع كل الاوضاع رغم انو اغلبها يكسر الراس
هناك 9 تعليقات:
يا هشوش فهمنا إلي نيتك مع البنات باهية، لكن بحكم تجربتي في الميدان التوانسة أغلبهم نيتهم مڨعمزة، و ساعات يبدى يحكيليك في كلام معسول متع حرية المرأة و عقل المرأة و هو كيف تحل مخو تلقاه يخمم بالنص اللوطاني. و في الكار بالذات آش يكثر التلوصيق عاد، قال شنوة الكار معبية. عاد أي مرا متحجبة و إلا لا تولي خايفة من التحرش هذا و تحاول تتفاداه. و بصفة عامة كيف نلقى الكار مفرهدة نحاول نقعد بحذا مرا و إلا في بلاصة بعيدة على الرجال. راهو إلي يصير مع النسا في الأماكن العمومية شي مقرف، يمكن ما تنجمش تفهم خاطر ما تشوفش في الواقع هذا من منظور مرا فدت من بلادة التوانسة!
je suis avec amel à 100%. et je vais te raconter une histoire qui c'est passée sur le métro 5 pour être précise.c'était archi complet, pas un seul espace libre, j'étais debout comme des dizaine d'autres, j'ai senti qlq chose de dur derrière moi en me retournant c'était un jeune homme de la trentaine il n'y a pas de plus respectueux en apparence.et comme je pouvais mm pas baisser la tête pour voir ce qui dérangeai mon derrière j'ai cru que c une cartable ou une serviette.....mais après qlq longues minutes il c'est avéré que ce n'est que le..... de monsieur qui me souriait en guise de remerciement car apparemment je lui ai permis de jouir en me faisant signe à son pantalon mouillé et lui tout en sueur. je me suis senti dégouté pendant des jours en maudissant cette capitale et ses habitants.alors tu comprend maintenant pourquoi les filles et mm les femmes voilées ou non ne veulent pas vivre pareille situation?
هشوش اتبرعلي بالمقطوعة اللي في بروفيلك تربح دعيوة خير غير مقربطة
anonyme
es tu sérieuse ??
est que ton Histoire EST Vraie ou s'agit t'il de ton fantasme absolu ?
ايا على سلامتكم نحب نبدى نجاوب بالواحد بالواحد:
امال: شنحوالك اختي الغاليه؟؟ عندك مديده ما شرفتنيش مرحبا بيك في محلك
باهي: الحادثه إلي حكيت عليها خذيتها كمنطلق لبرشا حوايج و مواقف تعرضتلها انا شخصيا من طرف جماعه مڨربطه لين وخليني نقولها بكل صراحه وليت نخاف من كل المتحجبات و نتعامل معاهم بحذر شديد و م المواقف هاذي إلي تبدى تغزرلي ف حزامي بطريقه غريييييبه ياسر لين نحشم انا و يا اما نهرب يا اما نتلفت و نعطيها بالقفا و فما إلي نبدى نحكي معاها و ما نفطن بيها كان ولات تغش فيا بالكلام و تتبسم و تتضيحك(ها النوع ماذابيا نبدى نلف فيه بالكف لين يديا تتقص مش لين وجهها يذوب!!) ما نحكيوش عاد ع إلي تعمل في كعبات بقلاوه في بار في وتيل في رمضان(صارت قدامي مانيش جايبها من مخي) و غيرهم و غيرهم م المواقف إلي تعرضتلهم و إلي لا المجال يسع باش نذكرهم الكل و لا انجمو نحصروهم...
هاذا ما يعنيش و انو كلامك غالط لا بالعكس انا معاك على طول خاطر نشوف اشكال حقيقة ماذابيا ننفي عليهم صفة الانسانيه و الامرّ من هاذا الكلو انو تلقى عندو خواتو بنات!!! و هنا المصيبه!!!
بالنسبه للحادثه إلي ذكرتها انا ف التدوينه قلت انو انا كنت مقبل للشباك بمعنى اني مانيش لاهي بيها اصلا !! و الراجل إلي جا و قعد بحذانا راجل كبير قتلك نتصور ياسر زاده و انو نظرو ضعيف...
بمعنى انو مثل ها التصرفات متاع لبنيات اولا تجيب الريبه و ثانيا تزيد تلفت الانتباه للجنس الاخر باش يزيد يتعنّت و يتحرش بالطفله حتى و لو كان هو م الاول ما ردش بالو و ما ركزش معاها !!! و الحاله هاذي صارت ياسر...
بالنسبه للانونيم إلي كتب بعد امال:
قلت قبل و ميسالش نزيد نعاود نحبذ باش تكتبو اساميكم او حتى اسماء مستعاره في التعاليق ع الاقل باش نلقى اش نادي و باش نفرق بين الناس كيف ما الحال تو و فما زوز تعاليق من عند زوز انونيم...
نرجع للشي إلي ذكرتو انتي (والظاهر انك انثى) الحكايه إلي صارت للاسف تنجم تكون صحيحه خاطر للاسف مازالو عندنا مرضى من ها النوع الا انو شخصيا نحب نقول و انو بصفه خاصه صعيب كان باش تصير في بلاصه بخلاف العاصمه(مثلا لهنا في سوسه ما تنجمش تصير لعدة اعتبارات منها انو كثافة الناس مش هي بيدها في الكيران و الميتروات) إلا انو زاده كيف حكيت انا مش معناها انو الواحد يسلم و يتوسم ف الناس الكل النيه الطيبه اما هاوينو الواحد (او بالاحرى الوحده) ترد بالها شويه و فما طرق ضمنيه ما غير ما تشلق باش تحس بيهم لا غير بمعنى ما نوصلوش للاطراف متاع الموضوع...
بالنسبه لبنت عايله:
لوووووووووووووول جيتك عزيزه غاليه يا فتّون !! اما كان باش نعطيك التيتر ماك باش تمشي على روحك و ما عادش تنورني ههههههههه عاد هاوينو كيف تحب تعمل كيف ع المورسو اعمل بحذايا طله...
هاك النهار كتبت ف الپروفيل متاعك انك تحب تبدل الاسم... عاد شنيه الحلاوه كان باش اسم بنت عايله باش يمشى على روحو؟؟؟ ديما نحب هاك الانطباع متاع بنت العايله إلي عندها زوز ڨرون في شعرها (و لو اني ما نتصوركش مازلت تعمل ڨرون هههههه) هاك الطفله العرعور إلي ديما تتحفنا بكتاباتها الساخره و الي كل مره تجبدلنا فيها على موقف م المواقف إلي تعرضتلهم....
ميرسي للجماعه إلي تفاعلو الكل و ماذابيا نزيد نسمع اكثر اراء خاطر نتصور الموضوع مازال فيه ما يتناقش
يعيشك سيدي. اما خير نحط نسمعها في الليل و نرحم على والديك ولا نبات بغصتي في قلبي؟ و نكمل نعري عليك راسي و نشعل شمعة في السيدة المنوبية بش تطيح لوف مع وحدة مقربطة؟ ايا هاني نستنى خير ما نفذ تهديدي و قد اعذر من انذر
لووووووووووووووووووووول
كيف قلتلكم راهي عرعور مانيش نتبلّى عليها...
يا سيدي كي ولات فيها وحده مڨربطه السماح نعطيك الالبوم الكل مش كان المورسو إلي سمعتو:
باهي اسمو ثلاثي جبران 3 خوات يعزفو ع العود المقطوعه كان صدقني ربي اسمها ربما و الالبوم هاو تيليشارجيه من هنا
http://rapidshare.com/files/105122643/FolkmusicSMB-Le_Trio_Joubran-Majaz.rar.html
كان مازلت تحب تسمع حاجه اخرى ف القلم هاذا قلي عندي منهم برشا
و هاوينو زاده جارتك لينا اعمل عليها عملية سطو مسلح تسمعهم ياسر النوعيه هاذي متاع الموسيقى حلوه ياسر هي لا محاله و تعمل عليها جو برا نظم جوك كيف ما قال الراجل
شفت كي نقلكم الطفل هذا هايل ياسر؟ ربي يفضلك. ربي يخليك. انشاء الله تحج مرتين ثلاثة شوف يغفرلك شوف لا
لالا، بالحق يعطيك الصحة هاني نسمع و ندعليك تطيح باخت مارلين مونرو
عمل في ظل الكلام للثلاثي جبران
http://www.youtube.com/watch?v=G9mxX9w3kdY
إرسال تعليق